Янгиликлар

Кандакорлик

0
BOZ_9777

Бухоро музейи заҳираларида сақланаётган мис кандакорлиги санъати ва маъдан тўплами алоҳида ўрин тутади. Тўпламда XVIII-XIX асрлар даврига оид 3000 дан ортиқ буюм мавжуд. Экспонатларнинг бир қисми Бухоронинг сўнгги ҳукмдори мулкидан қолган – мис кандакорлиги ашёларидан иборат. Иккинчи қисми хусусий шахслар тортиқ қилган ҳамда музей илмий ходимлари томонидан йиғилган буюмларни ташкил этади.

Музей тўпламида Бухоро мактабидан ташқари Самарқанд, Хива, Қўқон, Фарғона, Тошкент, Қарши ва Шахрисабз, шунингдек Ҳиндистон, Россия ва Эрон бадиий кандакорлик мактаблари томонидан тақдим этилган буюмлар бўлиб, XVIII-XX асрларга тегишлидир.

Айни дамда музей экспозицияларида мис кандакорлик буюмларининг катта қисми, айниқса Мохи-Хосса музей филиали экспозицияларида XIX-XX асрга оид жуда кўплаб кандакорлик намуналари намойишга қўйилган.

Ушбу жуда катта маҳорат билан тайёрланган кандакорлик намуналарини томоша қилиш учун сизларни музейларимизда кутиб қоламиз!

Август 2018
Пн Вт Ср Чт Пт Сб Вс
« Июл    
 12345
6789101112
13141516171819
20212223242526
2728293031